MENU

BALIK SERBISYO SANG EMERGENCY RESPONSE UNIT NGA KARON GINPAIDALOM SA QUARANTINE,GINALAUMAN

  • at 7:13 am
Share on facebook
Share on pinterest
Share on twitter
Share on print

Nagalaom si Provincial Disaster Management Program Division (PDMPD) Head Zeaphard Gerhart Caelian nga makabalik sa pagserbisyo  sa labing madali nga panahon ang mga myembro sang Emergency Response Unit, ( ERU) nga ginpaidalom sa quarantine bangud sa pagpositibo sa Covid-19 sa isa sa ila upod.

Suno kay Caelian, gin prayoridad sang molecular laboratory center sa Silay ang pagpagwa sa resulta sang swab tests nga ginkuha sa mga ini.

Dugang pa ni Caelian, makabalik lamang sa pagtrabaho ang iya mga staffs, kun magnegatibo sa Covid-19. Gin quarantine sa Mambucal Murcia ang 15 ka mga myembro sang ERU  sang probinsiya lakip ang 6 ka coastguard agud mahibaluan kun nalatnan man ang mga ini sang virus.

Ini matapos magpositibo ang 47 anyos  nga ambulance driver nga taga banwa sang Murcia.

Sila ang kabahin sa mga frontliners nga naga transport sa mga returning OFWs. 

What’s your Reaction?
+1
0
+1
0
+1
0
+1
0
+1
0
+1
0
+1
0

100K NAKUHA SA BALALIGYAAN SA LIBERTAD

April 17, 2024

Nakuha ang 100 mil pesos nga benta sang Sari-Sari Store ang nakuha sang kawatan sa Libertad Street Barangay 33, syudad sang Bacolod.

Suno kay Police Captain Dax Santillan, hepe sang Police Station 6, ang kawatan nag-agi sa kesami kag ginkakas ang CCTV nga nakita sa isa ka bakante nga lote.

Nadiskobrehan ang pagpangawat sang mismo sang tag-iya nga wala nagpakilala sang magbukas ini sang iya Sari-Sari Store sang Martes sang kaagahon.

Suno kay Santillan, may person of interest sila apang kinahanglanon pa nila ang ebidensya.

Daku man kontani ang mabulig sang CCTV sa imbestigasyon apang nadiskobrihan nga wala ini naga-andar kon kagab-ihon.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG, PATAY BANGUD SA GINAPATIHAN PERTUSSIS

April 17, 2024

Patay ang duha ka bulan nga bata nga lalaki sa Negros Occidental bangud sa ginasuspetsuhan nga pertussis disease.

Suno kay Provincial Health Officer Dr. Ma. Girlie Pinongan, ang pasyente ang taga-Northern Negros kag napatay sa hospital kagab-i lamang, Martes.

Dugang pa ni Pinongan, lunsay mga sintomas sang pertussis ang ginbatyag sang bata apang ginahulat pa ang resulta sa specimen nga ginpaidalom sa laboratory examination sa Research Institute for Tropical Medicine (RITM).

Sa kabug-usan may 39 na ka mga pertussis related cases ang narekord sa Negros Occidental, sa diin walo ang kompirmado, trese (13) ang negatibo kag dyesiotso (18) ang probable.

Una nga napatay sa pertussis disease ang isa ka bulan nga bata nga babaye.

Pito ka mga local government units sa Negros Occidental ang may kompirmado nga kaso sang pertussis disease.

Sa rekord sang Provincial Health Office – Negros Occidental Health Surveillance System, ang pito amo ang Victorias, Cauayan, Silay, Cadiz, Hinobaan, Murcia, kag EB Magalona.

Pinakadamo nga kaso amo ang Murcia nga may duha, kag nakarekord man sang isa ka napatay.

Kalabanan sa mga pasyente nga nagpositibo sa pertussis amo ang mga kabataan nga nagaedad zero tubtub siyam ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.