BALAY SANG LSI NGA COVID-19 POSITIVE GIN SEALED-OFF SA BRGY CABUG

Share on facebook
Share on google
Share on pinterest
Share on twitter
Share on print

Gin sealed-off ang puluy-an sang isa ka 37 anyos nga lalaki nga Locally Stranded Individual nga nag positibo sa COVID-19 sa Purok Busay, Barangay Cabug syudad sang Bacolod.

Suno kay Purok Chairman Jomar Ong, Hulyo 1, 2020 sang nagpauli sa Bacolod ang nagpositibo kag naghingyo nga magpaidalom sa home quarantine.

Naggwa ang resulta sang swab test kahapon kag ini ang positibo sa COVID-19.

Ang nagpositibo isa ka locally stranded individual nga nagatrabaho bilang drayber sa metro manila.

Aligasyon ni Ong nga nakabaton ini sang report gikan sa mga kaingod sang nagpositibo nga nag-intra pa sa bible study kag naglantaw sang basketball sa lugar ang nagpositibo.

Tatlo ka adlaw nga nagtinir sa ila puluy-an ang COVID-19 positive antis ginsaylo sa quarantine facility sang syudad.

Ginkumpirmar ni Ong nga nakasalamuha sang nagpositibo ang iya amay kag tatlo ka mga menor de edad nga kabataan kag karun ginpaidalom na sa home quarantine.

Dugang pa sang purok chairman, masami nga nagagwa sulod kag nagabakal sa tiangge ang mga kabataan sang nagpositibo.

Suno naman kay Barangay Kagawad Randy Tornea, gilayon nga ginlockdown ang puluy-an sang nagpositibo kag ginpaidalom sa swab test ang apat sini ka mga himata.

Nagpadala naman sang pagkaon ang barangay sa mga ginapaidalom sa home quarantine.

Nagpahamtang na sang tanod ang barangay agud bantayan ang lugar.

Gin-ako naman si Tornea nga may nakasalamuha ang nagpositibo bangud nga may iban nga persona nga nagakadto sa iya puluy-an.

Ang isa ka barangay kagawad nga nagamonitor kag nagdul-ong sa nagpositibo sa quarantine facility ang nagapaidalom man sa quarantine.

Nagpanugyan si Tornea sa publiko nga kun mahimo maghalong kag indi magpalapit sa lugar samtang ginahulat pa ang resulta sang swab result. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.