BALAY NI PATIENT 14 GIN PAIDALUM SA ULTRA-RISK AREA

Share on facebook
Share on google
Share on pinterest
Share on twitter
Share on print

Hugot nga gina bantayan sang mga Barangay Tanod kag pila ka mga miyembro sang kapulisan ang puluy-an sang COVID-19 Patient 14 sa Barangay Taculing, syudad sang Bacolod matapos nga ini ang gin deklarar nga high-risk area.

Suno kay Councilor Lady Gles Gonzales Pallen, Liga ng mga Barangay President kag Kapitan sang amo nga lugar, ang puluy-an lamang sang pasyente ang gin paidalum sa lockdown bangud ini ang may yara man sang kaugalingon nga pader.

Dugang pa ni Pallen, may yara man sang direkta nga komunikasyon sa iya talatapan ang pasyente para ila mga kinahanglanon nga gina patigayon sang Barangay.

Base sa record sang konsehal, ang pasyente ang naga trabaho sadto bilang DepEd Nurse kag nangin frontliner sa checkpoint antis pa man nag tutok sang iya negosyo nga pagbaligya sang mga imported essential goods katulad sang panakot, utanon kag mga prutas.

Gin kalipay man ni Pallen nga nangin negatibo ang resulta sang rapid test nga gin patigayon sa pamilya sang pasyente lakip na sa iya empleyado nga karon naga tinir man sa ila puluy-an para magpaidalum sa home quarantine.

Gin kuhaan man sang swab sample ang tanan nga mga miyembro sang pamilya para sa RT-PCR test kag karon wala pa sang resulta. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.