BAHO NGA TUBIG GIKAN SA POSONEGRO SA VICTORIAS, GIN REKLAMO; KAPITAN SANG BARANGAY NAG PASIGURO NGA AKTUHAN ANG PROBLEMA

Share on facebook
Share on google
Share on pinterest
Share on twitter
Share on print

Personal nga nagapadangat sang reklamo sa Aksyon Radyo complaints desk si Diana Maravilla sang Zone 4, Barangay 1, syudad sang Victorias batok kay Punong Barangay Edna Durana kag Ma. Regina Gubatayao angot sa isyu sang posonegro.

Sa alegasyon ni Maravilla sa pihak nga may mandu na ang City health office sang syudad (napetsahan Septembre 2 kag October 22, 2020) para kon tani tagaan sulusyon ang tuman ka baho sang tubig nga naggwa gikan sa posonegro ni Gubatayao, sa baylo wala gin-aksyonan ni Kapitan Durana.

Bangod sini, nagakabalaka na si Maravilla, sa posible mangin epektu sini sa iya pamilya kag sa mga pomoloyo nga nagalabay sa ila lugar.

Samtang, ginpasalig ni Durana nga iya pagaaktuhan ang reklamo ni Maravilla basi man sa pangabay sang City Health Office.

Sa interview sang Aksyon Radyo kay Durana, nangin masako ang ila ahensya sa pandemya kag iban pa nga problema nga ginaatubang sang ila Barangay rason nga wala gilayon naaktuhan ang mandu sang CHO.

Nagpromisa man si Durana nga iya pagakadtuan ang nagapanag-iya sang posonegro kag sa masunod nga semana mapahimo man ini sang selyado nga kanal agud madula na ang baho.

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.