BAGYO #OMPONGPH, NAKAGUWA NA SA PUNGSOD

Share on facebook
Share on google
Share on pinterest
Share on twitter
Share on print

Padayon pa nga nagahuyang ang Bagyo Ompong matapos maguwa sa pungsod. Sa press briefing sang PAG-ASA alas 11 sang gab-I, ginpahayag sini nga nakaguwa na sa Philippine Area of Responsibility ang bagyo. Katapusan nga nasiplatan ang bagyo sa kalayuon nga 395 kilometro, nakatundan sang Calayan, Cagayan. Sa karon, angkon sini ang pwersa sang hangin nga nagalab-ot sa 145 kilometro por ora malapit sa sentro kag pagmadlus nga nagalab-ot sa 180 kilometro por ora. Nagahulag ang bagyo sa direksyon nga Nakatundan Aminhan-Nakatunan sa kadasigon nga 25 kilometro por ora. Suno sa PAG-ASA, magahuyang pa ang bagyo sa tion nga mag-landfall na ini sa Hongkong. Nabatak ang signal number 2 sa Ilocos Norte, Ilocos Sur, La Union kag Batanes. Signal no.1 naman sa Bataan, Cagayan kalakip ang Babuyan Group of Islands, Abra, Apayao, Kalinga, Mountain Province, Ifugao, Benguet, Pangasinan kag Zambales. Samtang, padayon nga ginahigop sang bagyo ang hangin nga Habagat nga magadala sang mga pag-ulan nga may panalagsa nga kabaskog sa MIMAROPA kag Western Visayas. Suno sa PAG-ASA, delikado gihapon ang pagbiyahe sa mga kadagatan sa mga lugar nga yara sa idalum sang storm warning signals kag seaboards sang Luzon kag Visayas.

MORE STORIES:

ANU ANG IMO MA KOMENTO?