Indi anay magbaton sang mga returning Locally Stranded Individuals (LSIs) kag Overseas Filipinos (ROFs), ang syudad sang Bago Negros Occidental.
Suno kay Mayor Nicholas Yulo, nagpadala na siya sang sulat sa Regional Inter-Agency Task Force angot sini, kag nagalaom nga paboran ang iya pangabay.
Dugang pa sang alkalde, kinahanglan sang syudad ang ipreparar ang mga quarantine facilities para sa mga nagpositibo sa Covid- 19, sa ginpatigayon nga mass swabing.
Ginkompirmar ni Yulo nga okupado na ang mga quarantine facilities sang syudad kag indi makaakomodar sang mga returning residents.
Setyembre 12, 2020, nagpatigayon sang ikaduha nga mass testing ang Bago, sa diin 238 ka mga Bagonhons ang nakuhaan sang swab test. | Aksyon Marlon Genovea