BAGO CITY NA RECORD ANG IKADUHA NGA NAPATAY BANGUD SA COVID-19

Share on facebook
Share on pinterest
Share on twitter
Share on print

Gin-anunsiyo ni Mayor Nicolas Yulo ang ikaduha nga persona nga napatay sa coronavirus sa syudad sang Bago Negros Occidental.

Ini amo ang 49 anyos nga babaye sang Proper North Barangay Taloc kag makabig nga domestic case.

Sa pagpangusisa sang syudad, una nga gin-admit ang pasyente sa Bacolod South Hospital sadtong Agusto 11 matapos makaexperiensiya sang respiratory symptoms , gin-diagnose nga may pneumonia kag nagabatyag sang masakit nga diabetes.

Ang bana sini ang nagatrabaho sa Panasiatic Solutions sa diin ginapatihan nga diri naghalin ang domestic transmission.

Ginsugid sang bana nga ini ang may hilanat, antis makabatyag sang simtomas ang iya asawa.

Ginsiling man sini nga siya ang nakabisita sa PhilHealth Office sa syudad sang Bacolod.

Ginmandoan na ang bana kag iya duha ka mga kabataan nga mag ‘strict home quarantine’.

May isa man ka tricycle driver ang naka close contact sang mag-asawa nga amo ang ila ginhire agud makasakay sa trisikol, padulong sa Bacolod South Hospital nagligad nga Agusto 6.

Ginrekomendar sang syudad ang pagkuha sang PCR swab sa bana kag mga kabataan sini, pagpadala sang sulat sa Sum-ag Tricycle Driver’s Association para pangitaon ang tricycle driver, kag pagpadayon sang contract tracing. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.