BAGO CITY HALL KAG CHO LIWAT PAGABUKSAN SA SETYEMBRE 7

Share on facebook
Share on google
Share on pinterest
Share on twitter
Share on print

Balik sa operasyon ang Bago City Hall kag Bago City Health Office sa maabot nga Lunes nga adlaw, Setyembre 7.

Ini ang gin anunsyo ni Bago Mayor Nicholas Yulo sa public address paagi sa pre-taped video nga gin post sa Bago City Newsletter FB Page, Setyembre 3.

Suno kay Yulo, gin patuman ang lockdown bangod nag positibo ang apat ka mga swabbers sang Bago CHO nga nag laton sa lima ka iban pa nga swabbers ukon 9 tanan ka swabbers ang nakaangkon sang masakit.

Suno sa Alkalde, napatuman na ang mga safety kag health protocol sa gin lockdown nga mga talatapan kag ini ang maga bukas sa Lunes nga adlaw.

Samtang, gin pahayag ni Yulo nga posible sa Setyembre 10 ukon 11 pa maga bukas ang talatapan sang Bago DRRMO kasunod sang pag positibo sang tatlo ka nurses kag isa ka utility sang talatapan.

Ang Bago City ang may 113 ka confirmed Covid-19 cases, 73 dire ang active cases, 58 ang naka recover kag duha ang napatay. | Aksyon Dale Salazar

PUBLIC ADDRESS: https://www.facebook.com/TheCitybridge/videos/324435215666903

MORE STORIES:

LIKE US ON FB

error: Ooops... You are not authorized to copy this content.