MENU

BAG-O NGA PAMUNO SANG PCG DISTRICT SOUTHERN VISAYAS NAG ABOT SA BACOLOD

  • at 5:29 pm
Share on facebook
Share on pinterest
Share on twitter
Share on print

Nag-abot kaina sa syudad sang Bacolod si Commodore Tito Alvin Andal matapos pormal nga nag pungko bilang bag-o nga tagpamuno sang Coast Guard District Southern Visayas tinalikdan nga semana.

Sa interview sang Aksyon Radyo kay Andal, bulan pa kon tani sang Mayo ini magapungko bilang bag-o nga tagpamuno sang amo nga ahensya apang nagpaidalumpa ini sa 14 days mandatory quarantine base sa pagsulundan sang DOH.

Si Andal ang nagabulos kay Capt. Nielbert Aniversario kag pagapamunoan sini ang PCG sa bug-os nga Isla sang Negros, kag ang Isla sang Siquijor.

Plano ni Andal nga magpatukod sang 4-storey Building Balor 85 milyunes ka pesos nga magasirbi bilang headquarters sang Coast Guard District Southern Visayas.

Plano man sini nga magpatukod sang Radar station nga igapahamtang sa Bredco Port kag Hinobaan.

Si Andal ang nangin Commander sang PCG – Aviation Force kag gradwado sa Philippine Military Academy (PMA) Class 1994. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

1ST NEGROS ISLAND PRISAA MAGABUKAS NA SA ABRIL 26

April 24, 2024

Dose ka mga pribado nga unibersidad kag kolehiyo sa isla sang Negros ang magapakigbahin sa pinaka-una nga Negros Island Private Schools Athletic Association (NIPRISAA).

Pormal nga magabukas ang NIPRISAA sa Biernes, Abril 26 sa STI West Negros University.

Tinutuyo sang NIPRISAA nga ipreparar ang mga lokal nga atleta para sa National PRISAA kag iban pa nga sports-related events.

Dugang pa, pamaagi man ang NIPRISAA agud pasanyugon ang National PRISAA kag sang Philippine Sports Commission (PSC) Grassroots Sports Development Program.

May katorse ka mga sports events ang NIPRISAA kag natalana nga patigayunon sa nagkalain-lain nga lugar kalakip na sa STI-WNU, University of St. La Salle-Bacolod, University of Negros Occidental-Recoletos, Panaad Park and Stadium, SM City Bacolod kag Ayala Capitol Central umpisa Abril 26 tubtob April 30, 2024.

“While our government is looking into the structure of the Negros Island Region, kita naman, sa academe, when it comes to sports development program, we went ahead. That’s the reason why we established the Negros Island PRISAA. So, the future is here now. It’s happening,” pahayag ni Dr. Ryan Mark Molina, executive vice president kag chief operations officer of STIWNU.

Si Molina ang nagaserbe man nga second vice president sang National PRISAA,

What’s your Reaction?
+1
0
+1
0
+1
0
+1
0
+1
0
+1
0
+1
0

VG FERRER SA NAGAKATABO SA PDP-LABAN: NO COMMENT

April 24, 2024

Wala sang komento si Negros Occidental Vice Governor Jeffrey Ferrer sa ginahimo sang Partido Demokratiko Pilipino–Lakas ng Bayan (PDP–Laban) may kaangtanan sa 2025 nga midterm elections.

Suno kay Ferrer, indi siya magpahibalot sa proseso sang amo nga partido, bangud nagatutuk lamang ini sa nagapadayon nga koalisyon sang United Negros Alliance kag Love Negros.

Dugang pa ni Ferrer , ila gina abi-abi kun may ‘third force’ ukon ikatatlo gid man nga political party nga maga-entra sa arena sang pamolitika sa Negros Occidental.

Nagligad nga Abril 23, nagsumiter sang irrevocable resignation si Victorias City Vice Mayor Abelardo Bantug III kag siyam (9) ka mga konsehal sang syudad, bilang mga miyembro sang PDP-Laban.

Suno kay Bantug, wala sila ginkonsulta sa palayag ni PDP Laban’s Deputy Secretary General for Visayas Atty. Jayvee Hinlo, angot sa plano nga pagpili kay anay Victorias City Mayor Wantan Palanca bilang gubernatorial candidate sang partido sa Negros Occidental.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.