BAG-O NGA NOCPPO DIRECTOR TINGUHAAN NGA MAPABILIN ANG KATAWHAYAN SA PROBINSYA

Share on facebook
Share on google
Share on pinterest
Share on twitter
Share on print

Tinguhaan ni Negros Occidental Police Provincial Office ukon NOCPPO Officer-In-Charge Police Col Romy Palgue nga mapaluntad ang katawhayan sa probinsya.

Suno kay Palgue, tutokan niya sa karun ang gina-atubang nga krisis sa kalibutan nga coronavirus disease ukon COVID-19.

Prayoridad sang director ang amat-amat nga pagtapna sang iligal nga droga, pagtutok sa insurhensiya, problema sa duta kag mga kriminalidad.

Ginkalipay man sini nga maayo ang kahimtangan sang mga estasyon sang pulis, matapos ang pagbisita sini tinalikdan nga adlaw.

Samtang, ginpasalamatan ni Palgue ang mainit nga pagbaton sa iya sang negrosanon, ilabi na si Negros Occidental Governor Eugenio Jose Lacson, mga alklade kag iban pa nga mga lokal opisyal.

Si Palgue, amo ang nagbulos kay PCol Romeo Baleros nga nagretiro na sadtong Hunyo 6 kadungan sa iya ika -56 nga kaadlawan. | Aksyon Bryan Morden

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.