Nagalaom si Negros Occidental Gobernador Bong Lacson nga makabukas sang bag-o nga industriya sa patag sang manufacturing ang probinsiya, sa implementasyon sang Balik Probinsiya Bagong Pag asa Program ukon (BPBPP).
Suno kay Lacson, kinahanglanon nga may matrabahoan sa gilayon ang mga Negrosanon nga magabalik sa probinsiya halin sa Metro Manila.
Nagpasalamat ang gobernador bangud naka survive sa gihapon ang sugar industry kag business processing outsourcing sa panahon sang General Community Quarantine.
Dugang pa ni Lacson, iya pagahulaton ang guidelines sa pag implementar sang amo nga programa.
Sadtong Myerkules, gin pirmahan ni Presidente Rodrigo Duterte ang Executive Order nga naga implementar sang BPBPP agod ma decongest ang Manila kag mapromote ang countryside development.