Kapin 2 mil ka mga empleyado ang pagakuhaon sa pag bukas sang panibag-o nga call center company sa masunod nga tuig sa North Capitol road, syudad sang Bacolod.
Ini kasunod nga gin inagurahan subong nga adlaw (Oktubre 17) ang pito ka panalgan nga Bacolod Capitol Corporate Center sang Ayala Land nga ila paga rentahan sa isa ka kompaniya gikan sa Estados Unidos.
Ang inagurasyon ang gin tambungan nanday Bacolod Mayor Evelio Leonardia, City Councilor Em Ang kag City Administrator John Orola.
Ginpahayag ni Leonardia ini ang nagapakita lamang nga business environment ang syudad bangud indi man mag invest ang investors kon wala sang maayo nga kadtuan ang ila negosyo.
Suno kay Leonardia, ang pagka business friendly sang syudad ang isa sa mga nakit-an sini nga naga attract sa pagsulod sang negosyo sa Bacolod.