BACOLODNON LSI, GINAREQUIRE NA SANG NEGATIVE RT-PCR TEST RESULT

Share on facebook
Share on google
Share on pinterest
Share on twitter
Share on print

Nagpatuman sang panibag-o nga requirements ang lokal nga panguluhan sang Bacolod base sa gin pa gwa nga Executive Order sang Alkalde bilang travel guidelines sa mga LSI nga luyag magpauli sa syudad. Suno kay Councilor Cindy Rojas Chairman sang Committee on Returning Residents, obligado na ang mga LSI sa pagpresentar sang ila negatibo nga resulta sang RT-PCR test gikan sa lugar nga ila gin halinan.

Dugang pa ni Rojas, ini nga swab test result ang indi dapat nga magsobra sa 72 oras nga kalawigon umpisa nga ila nabaton ang kopya gikan sa natungdan nga otoridad ukon laboratoryo.

Gin klaro man sang konsehal nga indi na kinahanglanon pa sang mga LSI nga magpa swab test sa ila pag abot sa Bacolod lakip na ang pagpaidalum sa mandatory quarantine sa pasilidad sang syudad, apang ini sila ang obligado naman sa pag obserbar sang napulo ka adlaw nga home quarantine.

Magluwas sini, required man ang tagsa ka mga LSI sa pagpa rehistro sa BacTrac system nga gina patuman sang syudad.  | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.