BACOLOD WALA PA SANG MAY NABATON NGA SABAT GIKAN SA NATIONAL IATF SA PAGPALAWIG SANG ECQ

Share on facebook
Share on google
Share on pinterest
Share on twitter
Share on print

Wala pa sang pormal nga sabat nga nabaton ang LGU sang Bacolod gikan sa National IATF angut sa rekomendasyon nga palawigon ang Enhanced Community Quarantine ukon ECQ sa syudad tubtob Mayo 15.

Una nga nag pasar sang resolusyon ang SP nga naga pangabay sa National IATF nga ikonsiderar ang pagpalawig sang ECQ sa Bacolod.

Gin pahayag ni Councilor Renecito Novero, nag-author sang resolusyon, napadala na ang kopya sang resolusyon sa mga natungdan pero wala pa sila sang sabat nga nabaton.

Suno sa Konsehal, sa tion nga indi paboran sang National IATF ang resolusyon, automatic nga ipatuman ang General Community Quarantine sa Bacolod umpisa Mayo 1.

Sa isa ka statement, gin pahayag ni Presidential Spokesman Harry Roque nga nakalab-ot na sa Office of the President ang apilar sang Bacolod.

Suno kay Roque, ang amo nga appeal ang kinahanglan pa sang approval sang National IATF. Na panugyan si Roque nga hulton ang desisyon sang national IATF. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.