BACOLOD PWEDE MAKAPADALA SANG SWAB SPECIMEN SA MOLECULAR LAB SANG TLJPH

Share on facebook
Share on google
Share on pinterest
Share on twitter
Share on print

Pwede makapadala ang syudad sang Bacolod sang swab specimen sa Laborartoryo sang Teresita L. Jalandoni Provincial Hospital (TLJPH) sa syudad sang Silay para sa Covid-19 testing.

Ini suno kay Vice Mayor El Cid Familiaran, chair sang Bacolod IATF, matapos nakabaton na sang accreditation ang amo nga hospital gikan sa Research Institute for Tropical Medicine.

Suno kay Familiaran, ini ang gin palambot ni Provincial Administrator Rayfrando Diaz III sa ila meeting sang Hunyo 1 kag libre ang testing.

Suno kay Familiaran, ini ang maga resulta sa madasig nga pagwa sang resulta sang Covid-19 testing kag maka desisyon gilayon ang mga otoridad kag mahatagan sang peace of mind ang gin paidalum sa test.

Gina lauman ni Familiaran nga mag operate sa masunod nga mga sinemana ang Biosafe Lab sang Corazon Locsin Montelibano Memorial Regional Hospital, padayun naman ang pag trabaho sa laboratoryo sang Bacolod Adventist Medical Center kag may machine pa nga gina hulat ang laboratoryo sang The Doctors’ Hospital.

Sa text message, gin pahayag ni Dr. Grace Tan, spokesperson sang Bacolod IATF, wala pa sila sang may nabaton nga guidelines gikan sa tagdumalahan sang TLJPH. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.