BACOLOD PRAYORIDAD ANG COVID-19 VACCINE SA TION NGA INI ANG MANGIN AVAILABLE

Share on facebook
Share on google
Share on pinterest
Share on twitter
Share on print
(Bacolod PIO Photo, November 25, 2020)

Nag pasiguro si Mayor Evelio Leonardia nga hatagan sang prayoridad sang Bacolod ang Covid-19 vaccine funding sa tion nga ini ang mangin available na.

Sa press conference, gin pahayag ni Mayor Evelio Leonardia, Hulyo 2020 sang gin preparar ang 2021 budget pero sa amo nga tion wala pa sang vaccine kag tinalikdan lang nga semana nag gwa ang Pfizer kag iban pa nga bakuna.

Pero suno sa Alkalde, handa ang LGU nga mag revert, mag re-align ukon mag augment, ukon manghulam para masiguro nga tanan ang mabakunahan.

“We have this agreement with City Budget Officer that vaccine spending will be top priority. We are willing to revert, realign, and even augment the budget, or even go as far as beg for borrow just to ensure nga ma vaccinate ang tanan nga taga Bacolod,” suno sa Alkalde.

Gin kalipay ni Leonardia nga nag pasiguro sa iya si National Task Force Chief Implementer Carlito Galvez Jr nga ang Bacolod ang nalakip sa prayoridad para sa bakuna.

Suno kay Leonardia, ang mga tawo nga indi malakip sa vaccination program sang gobyerno nasyunal, ang LGU amo ang magasto para sa bakuna.

Suno sa Alkalde, handa man ang syudad nga i-untat ang infrastracture project para unahon ang bakuna.

Nag panugyan si Leonardia nga mag hulat sang Covid-19 vaccine.

BARIBAR GINA ABI-ABI ANG GINADUSO NGA PAGHALOG SANG AGE LIMIT NGA MAKAGWA

Gina abi-abi ni Councilor Archie Baribar ang desisyon sang National IATF nga pag halog sa age limit sang publiko nga sarang maka gwa sa puluy-an sa mga lugar nga napaidalum sa MGCQ status.

Suno kay Baribar, ini nga lihok ang indi lamang maka bulig sa aspeto sang ekonomiya, kundi maka pa hagan-hagan man sa psychological kag emotional nga gina batyag sang publiko ilabi na ang mga Senior Citizen nga naga edad 60 tubtob 65 anyos.

Dugang pa sang konsehal, may pila ka mga Senior Citizen nga luyag lamang nga maka gwa sa ila puluy-an para sa pagsimba apang wala sang mahimo bangud sa gina patuman nga restriksyon sang gobiyerno.

Importante lang suno kay Baribar nga mapadayon sang publiko ang pagsunod sa health protocol nga gina patuman sang mga otoridad agud malikawan ang ano man nga problema sa Covid-19 sa palaabuton. | Aksyon Art Tayhopon

RESORT NGA NAGPATIGAYON SANG FOAM PARTY, GINPASIRA

Gin kumpirmar ni City Administrator kag EOC Executive Director Em Ang ang gin himo sang syudad nga pagpasira sang resort sa Barangay Pahanocoy syudad sang Bacolod nga nagpatigayon sang Foam Party pagkatapos sang blessing tinalikdan nga semana.

Suno kay Ang, base sa imbistigasyon nga gin patigayon sang EOC, klaro nga may yara sang na komitir nga bayolasyon ang pamunuan sang resort ilabi na nga wala nila gin pahibalo ang Punong Barangay sa lugar angut sa nga aktibidad magluwas lamang sa blessing activity nga ila gin pangayuan sang pahanugot.

Dugang pa ni Ang, nagpatigayon man sang inspection ang mga personnel sang Permits and Licensing Division sa lugar sa diin ila na diskobrehan nga ini ang wala pa sang kumpleto nga mga permit agud sa pag bukas sang ila operasyon.

Ang amo nga closure order ang gin serbe sang Biernes sang hapon, Enero 22 paagi sa talatapan sang City Legal Office kag Permits and Licensing Division. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.