BACOLOD POSIBLE MAGA PATUMAN SANG ADJUSTMENT SA MGA PROTOCOL SA MODIFIED ECQ

Share on facebook
Share on google
Share on pinterest
Share on twitter
Share on print

Gina lantaw sang lokal nga panguluhan sa syudad sang Bacolod ang posible pagpatigayon sang pila ka mga adjustment angut sa gina patuman regulasyon sa idalum sang Modified Enhance Community Quarantine ukon MECQ.

Ini suno kay City Legal Officer Atty. Joselito Bayatan kasunod sang meeting nga ila gin patigayon kaupod kay COVID-19 Chief Implementer Carlito Galvez Jr. kahapon nga adlaw, Myerkules.

Suno kay Bayatan base sa statement nga gin palayag ni Galvez, sarang nga maka himo sang isa ka adjustment ukon hybrid application ang syudad ang importante nga masunod lamang ang direksyon nga gina patuman sang national government.

Ang importante lamang suno pa kay Bayatan, ang ano man nga adjustment nga himuon sang syudad sa idalum sang MECQ restriction ang na base sa balanse nga Health protocol and safety kag operasyon sang ekonomiya nga aspeto.

Sa pihak nga bahin, gin kalipay man ni Bayatan ang natabo nga pagpirmahanay sang Memorandum of Agreement sa tunga sang Bacolod kag DPWH angut sa natalana nga pagpatukod sang dugang nga mga Isolation facilities nga gamiton sang syudad para sa panibag-o nga no home quarantine policy nga gin mando sang national government. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.