BACOLOD PNP, FULL ALERT SA NABILIN NGA APAT KA ADLAW SANG MASSKARA

Share on facebook
Share on google
Share on pinterest
Share on twitter
Share on print
Buwas nga adlaw igapaidalum sa full alert status ang kapulisan sa syudad sang Bacolod sa nabilin nga apat ka adlaw nga pagsaulog sang Masskara festival angut man ini sa mando ni Acting Bacolod City Police Office Director Senior Supt Francisco Ebreo. 
Kadungan sang mando ni Ebreo wala ginapahanagutan ang kapulisan nga makapauli sabaylo magapabilin na lamang ini sila sa ila natungdan nga Police station. 
Tinutuyo sini agud ipasiguro nga may standby unit okon may kinahanglanon nga dugang nga pwersa sang kapulisan sa Masskara festival site ang makareponsde gilayon. 
Luyag man ipasiguro ni Ebreo nga wala sang dalagko nga insidente nga matabo sa nabilin nga apat ka adlaw nga pagsaulog sang Masskara festival. 
Ang sin-o man nga wala sa Police station nga mataboan sa accounting of personel posible mapaidalom sa sanction. 
Dugang pa ni Ebreo may 30 ka index crime nga narecord ang kapulisan sang syudad sa sini nga tuig ikumparar sa 42 nagligad nga tuig sa pagsaulog sang Masskara festival.

MORE STORIES:

LIKE US ON FB

error: Ooops... You are not authorized to copy this content.