BACOLOD, NALAKIP SA TOP 100 SUPER CITIES SA OUTSOURCING

Share on facebook
Share on google
Share on pinterest
Share on twitter
Share on print

Nakuha sang syudad sang Bacolod ang ika-89 nga pwesto sa listahan sang Top 100 Super Cities sang Tholons Services Globalization Index 2018.

Ini sandig sa pag tuon sang Tholons, isa ka advisory firm para sa Global Outsourcing and Investments nga naka-base sa London.

Sandig sa report nga gin pagwa sang Tholons, nag saka sang walo ang pwesto sang syudad, humalin sa ika-97 nga pwesto tinalikdan nga tuig.

Magluwas sa Bacolod, naka sulod man sa listahan ang Manila nga yara sa ikaduha nga pwesto, Cebu sa ika-11 nga pwesto, Davao sa ika-75 nga pwesto, Sta. Rosa sa ika-87 nga pwesto kag Iloilo sa ika-92 nga pwesto.

Lakip sa mga nangin indicators sa ranking amo ang Talent Skills and Quality, Business Catalyst, Cost, Infrastructure, Quality of Life, kag Digital and Innovation.

Gin pahayag ni City Councilor Em Ang, isa na ka dungog nga malakip sa listahan sang Tholons kag iya man gin kalipay nga nag saka ang pwesto sang Bacolod.

Suno kay Ang, pinakataas nga score nga nakuha sang syudad ang yara sa ‘Cost’ sa pag-negosyo sa syudad nga naga hatag sang competitive advantage sa Bacolod ikomparar sa iban nga lugar.

Gina panan-aw ni Ang, nga ang availability sang skills kag talent sa syudad ang nag pasaka sang ranking sang Bacolod.

Gina kilala sang konsehal ang pag trabaho kag pag suporta sang private kag public sector kaangay na lamang ni Jocelle Batapa-Sigue, executive director sang Bacolod-Negros Occidental Federation for Information and Communications Technology (BNEFIT).

MORE STORIES:

ANU ANG IMO MA KOMENTO?