BACOLOD NALAKIP SA MGA LUGAR NGA MAKABATON SANG IKADUHA NGA TRANCHE SANG SAP

Share on facebook
Share on google
Share on pinterest
Share on twitter
Share on print

Nalakip ang syudad sang Bacolod sa onse ka mga lugar nga mahatagan sang ika-duha nga tranche sang Social Amelioration Program ukon SAP.

Sa press briefing subong nga hapon, Hunyo 2, sang Department of Social Welfare and Development, ginpahayag ni DSWD Secretary Rolando Bautista nga target sang ahensiya nga mahatag ang ika-duha nga tranche sang ayuda subong nga semana.

Suno pa kay Bautista nga may yara sang guidelines ang ahensiya sa pag-identify sang malakip sa ika-duha nga tranche base man sa rekomendasyon sang National Inter-Agency Task Force.

Sa idalom sang Executive order no. 112 series of 2020 nga gin isyu sang Abril 30, kalakip sa ika-duha nga tranche sang ayudad amo ang Region 3 magluwas sa probinsiya sang Aurora, NCR, CALABARZON, Benguet, Pangasinan, Iloilo, Probinsiya sang Cebu, syudad sang Bacolod kag syudad sang Davao.

Sa idalom naman sang memorandom circular nga ginpirmahan ni Executive Secretary Salvador Medialdea, kalakip ang probinsiya sang Albay kag syudad sang Zamboanga sa ika-duha nga tranche sang ayuda.

Dugang pa ni Bautista nga sa karon, gina-check pa sang ahensiya ang listahan sang lima ka milyon ka pamilya nga ginakabig nga waitlisted agod malakip sa ikaduha nga tranche sang ayuda sang gobiyerno. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.