MENU

BACOLOD NAKAPATIGAYON NA SANG MASOBRA 30K KA COVID-19 TESTS

  • at 7:13 pm
Share on facebook
Share on pinterest
Share on twitter
Share on print
(Mass Testing sa Bacolod, August 2020 | Bacolod PIO Photo)

Masobra na sa 30,000 ka mga Bacolodnon ang napaidalum sa Covid-19 testing sa syudad sang Bacolod umpisa nga nag sugod ang Covid-19 pandemic.

Sa press coference, gin pahayag ni Dr. Chris Sorongon, EOC deputy for medical services sang Emergency Operations Center, sa bulan sang Oktbre nag dangat sa 3, 923 ka mga indibidwal ang napaidalum sa test.

Naga pakita sa datus nga ang Bacolod ang may 121 ka Covid-19 testing nga gina patigayon sa kada adlaw.

Gin anunsyo ni Sorongon, nga takna ala 1 bwas sa hapon, Hwebes, may kapin 300 ka mga market employees kag market vendors ang ipaidalum sa surveillance pool testing sa Bacolod Respiratory Outpatient Center.

Ini sila ang napaslawan nga mag pakigbahin sa una kag ikaduha nga batch sang surveillance testing.

Ang specimen ang ipadala sa laboratoryo sa syudad sang Cebu para sa analysis. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MOBILE PATROL UNIT GINKILALA MATAPOS NADAKPAN ANG SUSPEK SANG VANDALISM

April 25, 2024

Personal nga nabaton ni Mobile Patrol Unit Chief Police Lt. Col. Sherlock Gabana ang recognition kag singko mil pesos nga padya halin kay Bacolod City Director Police Col. Noel Aliño angot sa pagdakop nila sa Filipino-American nga si Jean Clifford Rabinowitz.

Si Rabinowitz ang nadakpan sa akto sang Mobile Patrol Unit nga naga-spray sa pader sang Burgos Street STI-WNU gamit ang canester spray paint.

Suno kay Bacolod City Director Police Col. Noel Aliño, batonon man sang Police Station 8 ang kinse mil pesos nga padya sa masunod nga semana sa pagdakop nila sa tatlo ka persona nga naga-spray sa pader sang Araneta Street Purok Kabulakan 2 Brgy. Singcang Airport, syudad sang Bacolod.

Suno kay Alin̈o, gintukod ang Task Force Vandalism sa pangabay sang LGU Bacolod agod ma-address ang problema sang vandalism sa syudad sang Bacolod.

Liwat nanawagan si Aliño sa publiko nga buligan ang kapulisan sa ila kampanya kontra vandalism.

What’s your Reaction?
+1
0
+1
0
+1
0
+1
0
+1
0
+1
0
+1
0

SHOW CAUSE ORDER KAG PREVENTIVE SUSPENSION IGA ISYU SA GINALEGAR NAG RETOKE SANG RESIBO

April 25, 2024

Maga isyu ang Bacolod City Legal Office sang show cause order kag 60 dias nga preventive suspension batuk sa kahera sang City Treasurer’s Office nga assign sa Bacolod Traffic Authority Office (BTAO).

Nag ugat ang reklamo matapos 1,300 pesos ang ginbayad sang traffic violator pero 300 pesos lamang ang nag sulod sa syudad.

Ginpahayag ni City Legal Officer Atty. Romeo Carlos Ting Jr., sa tion nga ma kompleto ang mga dokumento, maga isyu ang ila opisina sang show cause kag preventive suspensyon posible sa masumod nga semana.

Ginpahayag ni Ting, mabug-at ang offense nga pag tamper sang opisyal na resibo kag termination sa trabaho ang penalidad.

Suno kay Ting, nag isyu man si City Treasurer Arlene Memoria sang notice to explain sa ginareklamo nga kahera sa sulod sang 72 oras kag ang iya sabat ang ipaidalum sa evaluation sa pag isyu sang show cause kag preventive suspension.

Ginklaro ni Ting nga isa lamang ang kahera nga gin assign sa BTAO. Paathag pa ni Ting, nga dapat computerized ang balayran kag amount in words sa resibo magluwas kon wala sang internet.

Samtang, magapangayo ang City Legal Office sang kopya sang mga citation tickets nga na isyu sang BTAO kag ini ang usisaon kon bala naga match sa ginabayad sang violator sa City Treasurer’s Office.

Ginpahayag ni City Legal Officer Atty. Romeo Carlos Ting Jr., luyag nila mahibaluan kon bala isolated lamang ang reklamo ukon madamo na ini nga insidente.

Dugang pa ni Ting, ila man usisaon kon balay may iban pa nga imbolbado sa sini nga insidente.

Nagpanugyan si Ting sa mga traffic violators nga usisaon ang gina isyu nga resibo sang syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.