BACOLOD NAGA TANYAG SANG LIBRE NGA SWAB TEST SA MGA TAWO NGA MAY COVID-19 SYMPTOMS

Share on facebook
Share on google
Share on pinterest
Share on twitter
Share on print

Gina tanyag sang lokal nga panguluhan sang Bacolod ang libre nga pag pang swab sa mga pumuluyo nga residente sang syudad ilabi na sa mga indibidwal nga naga batyag sang mga sintomas sang COVID 19.

Suno kay City Administrator kag Emergency Operation Center Executive Director Em Ang, ini nga programa ang kabahin sang inisyatibo nga gina himo sang karon nga administrasyon angut sa naga padayon nga problema sa pandemiya.

Dugang pa ni Ang, paagi sa Bacolod Respiratory Outpatient Center ukon BRO Center, sarang nga maka pa konsulta ang mga Bacolodnon nga may yara sang gina batyag sa ila ikaayong lawas ukon naga masakit kag depende na sa mga Doctor ang pag determinar kon bala ini sila ang kinahanglanon nga magpaidalum sa swab test.

Naga laum man ini nga paagi sa amo nga programa, mas maga sanyog pa ang monitoring nga gina himo sang syudad batuk sa posible paglapta sang amo nga virus.

Samtang, gin klaro ni Ang nga madayon ang implementasyon sang Bacolod City Tracking System ukon BacTrac sa pihak sang isa ka bulan nga extension nga plano ihatag sang syudad sa mga negosyante nga wala pa maka kumpleto sa pag rehistro.

Suno kay Ang, mahimo na nga maka umpisa sa pagpatuman sang amo nga sistema ang pila ka mga establisemento nga naka tapos na sang naga kaigo nga proseso.

Dugang pa ni Ang, nahatagan naman sang solusyon ang nagluntad nga problema angut sa na eksperiyensahan sang Bacolodnon nga kabudlayan sa pagpa rehistro  paagi sa gin dugang nga mga server.

Sa nahibaluan nga ang BacTrac system ang isa sang mga ideya nga gin sunod sang syudad sa South Cotabato para sa epektibo nga pagpatigayon sang contact tracing sa mga pasyente sang COVID 19. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.