BACOLOD NAGA HULAT SANG SABAT SANG DEPED REGION 6 ANGUT SA EXTENSION SA PAGUSAR SANG PUBLIC SCHOOL BILANG QUARANTINE FACILITY

Share on facebook
Share on google
Share on pinterest
Share on twitter
Share on print

Nag hulat sa karon ang LGU sang Bacolod sang sabat sang Department of Education Regional Office angut sa pangabay nga pag palawig sa pag usar sang pila ka mga public school nga himuon nga quarantine facility.

Ini kasunod nga magatapos na ang Memorandum of Agreement ukon MOA sa tunga sang Bacolod kag DepEd Region 6 sa Hunyo 30 angut sa pag usar sang pila ka public school bilang quarantine facility.

Suno kay Councilor Renecito Novero, chair sang Quarantine Center Action Team, may resolusyon na nga gin pasar ang SP nga naga pangabay kay Regional Director Gemma Ledesma nga palawigon ang pag usar sang public school not earlier than July 31 bangud gina paabot ang pag abot sang madamo pa nga LSI.

Dugang pa ni Novero, nagapabor si Bacolod Schools Division Superintendent Gladys Amylaine Sales sa pangabay sang syudad kag ini ang iya na gin palambot kay Mayor Evelio Leonardia.

Ang Bacolod ang naga usar sadto sang pito ka public school nga quarantine facility samtang may dugang nga apat ka public school nga luyag sang syudad usaron lakip na ang Sum-ag National High School, Luisa Medel National High School, Mansilingan Agro-Industrial High School kag Luis Hervias National High School. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.