BACOLOD NAGA HULAT SA RESOLUSYON SANG NATIONAL IATF NGA NAGA APRUBAR SANG 4-DAY WEEKEND TIME OUT

Share on facebook
Share on google
Share on pinterest
Share on twitter
Share on print

Nagahulat ang syudad sang Bacolod sa ipagwa nga resolusyon sang National IATF nga naga-apruba sa pangabay nga apat ka adlaw nga time out weekend para sa patigayunon nga mass testing sa 5,000 ka persona diri sa syudad kag 5,000 man halin sa syudad sang Bago, Talisay, Silay kag banwa sang Murcia.

Una na nga gin pahayag ni Provincial Consultant Albee Benitez nga aprubado na sang National IATF ang tikang sang probinsya kag gina paabot nga mag gwa ang aprubado nga resolusyon.

Sa interview sa Aksyon Firing Line kaupod ni Aksyon Art Tayhopon, ginpahayag ni Bacolod City Administrator Em Ang nga may ginhimo na nga mangin unod sang Executive Order ang City Legal Office apang ini i-base sa ipagwa nga resolusyon sang National IATF kon tubtub diin ang otoridad sang syudad sa pagpapanaog sang mga guidelines.

Dugang pa ni Ang, sa tion nga ma aprubahan ang Weekend Time out, isugpon sang syudad ang ginaduso nga voluntary ECQ para makompleto ang katorse ka adlaw.

Sa madumduman, ang Sangguniang Panlungsod ang nag aprubar sang ordinansa nga gin author ni Councilor Renecito Novero nga nagahatag sang ‘Emergency Authority’ kay Mayor Evelio Leonardia kag bangod sini, mapatuman na sang alkalde ang pila ka restrictions bilang sabat sa panawagan sang pila ka mga doktor sa tuyo nga ma regulate ang hulag sang tawo.

Samtang, wala pa nalab-ot sang syudad ang 5,000 ka mga persona nga ipaidalum sa massive Covid-19 testing as of August 25 sang gab-i.

Suno kay Ang, wala pa nalab-ot ang target, wala pa na finalize sang iban nga barangay ang ila nga listahan.

Suno kay Ang, malakip man sa massive testing ang mga close-contact sang bag-o nga na report nga nag positibo sa Covid-19 subong nga semana.

Suno sa City Administrator, naga pabilin nga bukas ang mga Barangay para sa mga persona nga kwalipikado sa DOH guidelines nga mag pa swab test.

Ang Bacolod CHO amo ang maga evaluate sang mga persona nga ipaidalum sa test.

Nag pasiguro si Ang nga preparado na ang syudad sa mga kinahanglanon sa swabbing areas kag ang swabber para sa Agusto 28 kag 29. | Aksyon Ann Defensor, Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.