BACOLOD NAGA BATON NA SANG APPLICATION SA MGA NA STRANDED SA SYUDAD NGA LUYAG MAG BALIK SA ILA HOMETOWN

Share on facebook
Share on google
Share on pinterest
Share on twitter
Share on print
(ARB File Photo)

Nag umpisa na ang syudad sang Bacolod sa pagbaton sang application sa mga Locally Stranded Individuals ukon LSI diri sa syudad nga luyag mag balik sa ila hometown.

Gin tugyanan ni Mayor Evelio Leonardia si Bacolod SK Federation President Ayesha Joy Villaflor nga mangin chair sang Action Team on LSI.

Suno kay Villaflor, ang iban nga LSI ang gina require na nga mag balik sa ila nga trabaho kaangay sa Cebu samtang ang iban ang na-abtan sang lockdown sa Bacolod.

Lakip sa mga requirements sang SLI para makabalik sa ila hometown amo ang pag kuha sang LSI form sa Barangay kon sa diin sila na stranded, Barangay Certification nga naga pamatuod nga nag paidalum sila sa 14-day home quarantine kag wala nalakip sa listahan sang PUMs, Medical Certificate sa City Health Office kag Endorsement Letter nga pirmado sang Punong Barangay, ini ang base sa guidelines nga gin isyu sang DILG tinalikdan nga semana.

Ang requirements ang dapat isumiter sa SK office sa second floor sang Bacolod Government Center.

Suno kay Villaflor, ang ini nga requirements ang ila isumiter sa DILG-Bacolod lakip ang Endorsement Letter sang syudad, kag ini ang ipadala sa PNP Region 6 nga amo ang maga isyu sang Travel Authority.

Ang LSI amo ang maga bayad sang ila nga expenses sa pagbyahe pakadto sa ila destinasyon.

Sa karon, ang talatapan ni Villaflor ang nakabaton na sang kapin 20 tubtob 30 ka mga applications kag gina paabot nga magdamo pa ini sa masunod nga inadlaw. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.