BACOLOD NAG UMPISA NA SA PAGPATUMAN SANG S-PASS

Share on facebook
Share on google
Share on pinterest
Share on twitter
Share on print

Ginpahayag ni City Administrator kag Bacolod EOC executive director Em Ang nga indi na mag isyu ang Bacolod City Health Office sang medical certificates para sa pagbyahe bangud sa bag-o nga guidelines sang National IATF Resolution 101 nga nagadula sang Covid Shield.

Ini bilang pagsunod kag pagpatuman sang probisyon sang resolution 101 sang National IATF angut sa uniform travel protocol.

Sa baylo, ang syudad ang magapatuman sang S-PaSS bilang one-stop-shop application ukon communication sa mga travelers.

Sa damlag lang gin isyu nga memorandum, ginpahayag sang Bacolod  EOC nga ang indi pag isyu sang medical certificate para sa pag byahe ang magahatag sang tion sa mga CHO personnel nga  makatutok sa medical care visits kag sa vaccination program sang syudad.

Sun okay Dr. Edwin Miraflor Jr, OIC sang Bacolod CHO, tubtob na lamang sa Abril 15 ang online transactions sa pagisyu sang medical certificates.

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.