BACOLOD NAG DUGANG SANG 21 KA MGA JEEPNEY DRIVER PARA SA LIBRE SAKAY PROGRAM

Share on facebook
Share on google
Share on pinterest
Share on twitter
Share on print

Nag dugang ang syudad sang Bacolod sang 21 ka jeepney drivers para sa Libre Sakay nga programa para sa mga essential workers umpisa sang Lunes nga adlaw Septembre 21.

Bangud sini, 63 na ka drivers ang naga byahe umpisa las 4:30 sang aga tubtob las 10:30 sang gab-i nga may duha ka oras nga interval sa kada trip sa pito tanan ka mga terminal.

Suno kay Councilor Dindo Ramos, chair sang committee on transportation, tatlo ka mga jeep para sa mga essential workers ang gin dugang sa kada terminal bangud sa mataas nga demand.

Yara na sa anum ka mga jeep ang para sa essential workers kag tatlo ang para sa medical frontliners.

Sa tion nga matapos ang Libre Sakay tubtub Septembre 30, maga dangat sa 924 ka mga jeepney drivers ang maka benepisyo sang sini nga programa nga naga baton sang tig 3,000 pesos.

Suno sa Konsehal, wala sang problema sa service fee sang mga drivers nga ila makuha sa masunod nga adlaw pagkatapos sang ila nga pag byahe.

Samtang, gin pahayag man ni Ramos nga may ginduso ini nga resolution nga gin aprubahan sang Konseho nga naga pangabay kay Mayor Bing Leonardia nga kon mahimo makahatag sang financial assistance ukon food assistance ang syudad sa mga sektor nga lubos nga na apektuhan ang ila nga trabaho karon nga Modified ECQ.

Una diri, nag patigayon sang rally protesta ang pila ka mga transport groups sa Fountain of Justice sang Lunes nga adlaw, Septembre 21, nga naga panawagan sang bulig sa syudad.

Suno kay Ramos, ang protesta sang transport group ang iya na gin antisipar kag iya gina respeto ang pag pautwas sang pila ka drivers.

Dugang pa ni Ramos, ginatrabaho na sang executive level kon paano ma address ang concern sang mga na apektuhan nga sektor kag nag panugyan nga mag hulat-hulat lamang kay iya man ini gina follow-up.

Sa nahibaluan, una nga nag hatag sang food packs ang syudad nga gin paagi sa mga Barangay para sa mga na apektuhan nga sektor kaangay sang drivers, mga empleyado nga nawad-an sang trabaho kag iban pa. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.