BACOLOD NA MONITOR NGA MAY KAPIN 20% KA MGA ILLEGAL STRUCTURES NGA GIN HAWANAN SADTO ANG NAG BALIK

Share on facebook
Share on google
Share on pinterest
Share on twitter
Share on print

Ginkumpirmar ni Vice Mayor Elcid Familiaran nga may yara gid man sang pila ka mga illegal structure nga nagbalik sa mga dalanon base sa pinaka latest monitoring nga ginhimo sang syudad.

Suno kay Famillaran, base sa inisyal nga impormasyon nga nabaton sang iya talatapan, yara sa kapin 20 porsiyento nga kadamuon sang ilegal nga mga straktura ang  liwat nga gin patukod indi lamang sa mga dalanon kundi kalakip na sa pila ka mga sidewalk sa palibot sang syudad.

Dugang pa ni Famillaran, mahimo nga may yara man sang kakulangan sa monitoring ang tagsa ka mga opisyales sa Barangay kon nga-a liwat nga nagbalik ang amo nga problema.

Magluwas sa ilegal structure, gin kumpirmar man sini ang liwat nga pagbalik sang illegal nga pag parking sang mga salakyan sa pila ka mga dalanon.

Sa nahibaluan nga base sa memorandum circular nga gin pa gwa sang DILG Bacolod, maga resume ang partial nga implementasyon sang Road Clearing Operation sa syudad sa palaabuton nga Nobiyembre 16 sa idalum sang General Community Quarantine status ukon GCQ. | Aksyon Art Tayhopon

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

DUHA GINDALA SA HOSPITAL MATAPOS ANG AKSIDENTE SA BARANGAY ALIJIS

Gindala sa hospital ang duha ka mga sakay sang motorsiklo matapos na aksidente sa atubang sang Shell gasoline station sa dalan Alijis, syudad sang Bacolod, Sabado sang gab-i.

Ginkilala ang driver sang motorsiklo nga si Rossfel Musni, residente sang Kabugwason, Barangay Mansilingan kag ang backrider sini nga si Lindy Lynn Arevalo, residente sang DC 1 RPHS, Barangay Alijis.

Ang mga biktima ang gikan sa birthday party kag papuli na sang natabo ang aksidente nga pagbunggo sa Toyata Innova nga ginamaneho ni Jennifer Genita, 41 anyos, sang City High, Barangay Taculing.

Ang motorsklo ang gikan West padulong East nga direksyon samtang ang Innova ang gikan East to West.

Suno kay Police Senior Master Sargeant Clark Cañon, traffic investigator sang Police Station 7, base sa alegasyon ni Genita, iya nakita nga ang motorsiklo ang yara sa center lane kag naga ikis-ikis ang dalagan rason nga nag nagbahar ini kag nagdesisyon nga maglikaw paagi sa pagtabok sa pihak nga dalan, pero nagbalik sa iya linya ang motorsiklo nga nangin kabangdanan sang aksidente.

Dugang pa ni Cañon, ginpahayag man ni Genita, nga iya ginalantaw nga base magliko ang motorsiklo.

Makita nga ang damage sang innova ang yara sa tuo sa una.

Suno kay Cañon, magabalik ini sa lugar sang insidente kag i-check ang mga CCTV.

Suno sa mga responder, conscious ang duha ka mga biktima sang gindala sa hospital.

MORE STORIES:

LIKE US ON FB

error: Ooops... You are not authorized to copy this content.