BACOLOD MAY SINGLE DIGIT COVID-19 CASES SANG 42 DIAS

Share on facebook
Share on google
Share on pinterest
Share on twitter
Share on print

Napabilin sang syudad sang Bacolod ang single-digit nga Covid-19 cases humalin Disyembre 1, 2020 tubtob Enero 12, 2021.

Suno kay Dr. Chris Sorongon, deputy for medical sang Bacolod Emergency Operations Center, ang active cases sa Bacolod ang yara sa 50, base man sa ila nga real-time data.

Suno kay Sorongon, gina lakipan ang mga aktibo nga kaso sang mga health-care workers kag empleyado sa hospital nga may walo halin Enero 1 tubtob 12, may mga naga busong man, LSI, APOR, kag iban pa.

Dugang pa ni Sorongon, may isa nga napatay bangud sa virus nag ligad nga Disyembre 30, 2020, pero ang record ang ginlakip subong nga bulan sang Enero bangud man sa ginhimo nga verification.

Padayun ginabantayan sang EOC ang mga kaso sang healthcare wokers, naga busong, dialysis patient, naga sulod nga LSI kag APOR.

Bacolod, 200 tubtob 250 ang gina patigayon nga swab test sa Bacolod CHO, Bacolod Respiratory Outpatient Center, kag mga pribado nga molecular laboratory. | Aksyon Dale Salazar

RESORT NGA NAGPATIGAYON SANG FOAM PARTY, GINPASIRA

Gin kumpirmar ni City Administrator kag EOC Executive Director Em Ang ang gin himo sang syudad nga pagpasira sang resort sa Barangay Pahanocoy syudad sang Bacolod nga nagpatigayon sang Foam Party pagkatapos sang blessing tinalikdan nga semana.

Suno kay Ang, base sa imbistigasyon nga gin patigayon sang EOC, klaro nga may yara sang na komitir nga bayolasyon ang pamunuan sang resort ilabi na nga wala nila gin pahibalo ang Punong Barangay sa lugar angut sa nga aktibidad magluwas lamang sa blessing activity nga ila gin pangayuan sang pahanugot.

Dugang pa ni Ang, nagpatigayon man sang inspection ang mga personnel sang Permits and Licensing Division sa lugar sa diin ila na diskobrehan nga ini ang wala pa sang kumpleto nga mga permit agud sa pag bukas sang ila operasyon.

Ang amo nga closure order ang gin serbe sang Biernes sang hapon, Enero 22 paagi sa talatapan sang City Legal Office kag Permits and Licensing Division. | Aksyon Art Tayhopon

ANAY POLICE ASSET, NADAKPAN SA BUY-BUST OPERATION

Nadakpan ang isa ka persona nga nagabaligya sang frozen foods kag anay police asset sa buy-bust operation sang Police Station 8 sa Barangay Singcang-Airport syudad sang Bacolod, Biernes sang gab-i.

Gin kilala ang nadakpan kay Remo Togores, 34 anyos kag pumuloyo sang Purok Mainabyanon Brgy. Singcang-Airport syudad sang Bacolod.

Narekober kay Togores ang anom ka sachet sang suspected shabu, shabu paraphernalia nga may market value nga 14 mil pesos.

Suno kay Police Major Jun Ray Batadlan, hepe sang Police Station 8, masobra duha ka bulan ang ila surveillance kag nadakpan si Togores.

Priso si Togores sa Police Station 8 kag napasaka na ang kaso nga paglapas sang R.A. 9165 Comprehensive Dangerous Drug Act of 2002. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.