BACOLOD MAY BAG-O NGA FIRE MARSHALL FIRE CHIEF

Share on facebook
Share on google
Share on pinterest
Share on twitter
Share on print

Magabayluhanay ang hepe sang Bureau of Fire Protection (BFP)-Bacolod kag BFP-La Carlota epektibo Lunes nga adlaw, Hunyo 1.

Ginkumpirmar ni BFP-Bacolod Fire Marshall Fire Chief Inspector Publio Ploteña ang iya bag-o nga assignment bilang hepe sang BFP-La Carlota.

Sa interview sang Aksyon Night Patrol kay Ploteña, ginkumpirmar sini nga epektibo Lunes nga adlaw ang re-assignment order nga ginpapanaug sang regional office sang BFP.

Ginpahayag ni Ploteña nga over-staying na ini sa BFP-Bacolod matapos magpangalagad sa sulod sang duha ka tuig kag anum ka bulan.

Isa sa mga napundar nga project ni Ploteña sa BFP-Bacolod amo ang konstraksyon sang bag-o nga fire station.

Magabulos kay Ploteña ang hepe sang La Carlota BFP nga si Fire Chief Inspector Rodel Legaspi.

Nagpasalamat si Ploteña sa suporta sang publiko sa mga programa kag adbokasiya sang BFP-Bacolod.

Natalana nga magpakigkita si Ploteña sa mga lokal nga opisyales sang Bacolod antes ini pormal nga magreport sa La Carlota BFP. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.