BACOLOD MAY 67 KA BAG-O NGA COVID-19 CASES, NEGROS OCCIDENTAL MAY DUGANG NGA 22

Share on facebook
Share on google
Share on pinterest
Share on twitter
Share on print

Nanguna ang syudad sang Bacolod sa may pinakadamo nga bag-o nga kaso sang Covid-19 nga na report sa Western Visayas subong nga adlaw, Sabado.

Sa pinakaulihe nga datus nga gin pagwa sang DOH 6, ang Region 6 ang may 134 ka mga bag-o nga Covid-19 cases.

Ang Bacolod ang may 67, Iloilo City may 24, Negros Occidental may 22, Iloilo Province may 15 kag Capiz may tatlo.

Suno sa DOH 6, nag saka sa 1,217 ang nag ayo sa masakit sa rehiyon matapos nadugangan sang 34.

Sa 34 nga naka recover, isa ang gikan sa Bacolod kag isa ang gikan sa Negros Occidental.

Gin report man sang ahensya ang dugang nga duha nga napatay bangud sa masakit, isa ang gikan sa Bacolod kag isa sa Iloilo City.

Yara sa 952 ang ulihe nga lab results nga nag gwa, 802 dire ang negatibo sa virus samtang 134 ang positibo.

Suno sa DOH 6, ang ini nga resulta ang gikan sa apat sa anum tanan ka mga accredited nga laboratoryo sa Western Visayas. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.