BACOLOD MAY 24 KA BAG-O NGA COVID-19 CASES, NEGROS OCCIDENTAL MAY 10

Share on facebook
Share on google
Share on pinterest
Share on twitter
Share on print

Nadugangan sang 97 ka bag-o nga Covid-19 cases ang Western Visayas.

Sa pinakaulihe nga case bulletin nga gin pagwa sang DOH 6, pinakadamo nga kaso ang na record sa Iloilo nga may 36, Bacolod nga may 24, Aklan nga may 12, Iloilo City nga may 12, kag Negros Occidental nga may 10.

Suno sa DOH, may 188 ka bag-o nga recoveries sa rehiyon kag pito ang bag-o nga patay.

Ang Region 6 ang may 1, 750 active cases, 17, 059 ang total recoveries kag 550 ang death toll.

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

KAPIN 3K KA PAMILYA NGA GINLOCKDOWN SA BACOLOD, MAKABATON SANG AYUDA

Ginsumiter na sang Department of Social Services and Development ukon DSSD Bacolod sa DSWD Region 6 ang listahan sang mga pigado nga mga pamilya nga na apektuhan sang lockdown nga makabaton sang 6,000 nga ayuda sa idalum sang Bayanihan 2.

Ini nga mga pamalay ang ginlockdown ukon gin sealed off humalin Setyembre 11 tubtob Disyembre 29, 2020.

Suno kay Pacita Tero, pamuno sang DSSD, kapin 3,000 households ang benepisyaryo sang amo nga programa sa Bacolod.

Sa karon, nagahulat ang DSSD sang komunikasyon gikan sa Region 6 angut sa proseso kag schedule sang payout.

Samtang, gin pahayag ni Tero, nga may pila pa ka mga ‘waitlisted’ sa Bacolod ang ginapaabot nga magbaton sang 6,000 nga ayuda sa idalum sang Bayanihan 2. Ang waitlisted amo ang mga pigado nga pamilya pero wala nalakip sa first kag second tranche sang Social Amelioration Program. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.