BACOLOD MAGAPAIN SANG 135M SA PAGPATUMAN SANG DISTANCE LEARNING

Share on facebook
Share on google
Share on pinterest
Share on twitter
Share on print

Maga pain ang gobyerno sang syudad sang Bacolod sang 135 milyones pesos para pondohan ang mga kinahanglanon sa pagpatuman sang nagkalain-lain nga sistema sa pag bukas sang klase sa Agusto 24.

Ini matapos ang pagsapol ni Mayor Evelio Leonadia upod si Councilor Renecito Novero, Bacolod Schools Division Superintendent Gladys Amylaine Sales, City Budget Officer Imelda Williams kag iban pa kahapon nga adlaw, Hunyo 22.

Suno kay Novero, chairman sang Committee on Education, gin presentar ni Sales sa Alkalde ang nagkalain-lain nga approach sa pag edukar sa estudyante kaangay sang blended learning, online learning, modular kag pag usar sang radyo.

Suno sa Konsehal, ang amo nga pondo ang gikan sa special education fund sang syudad samtang gina tun-an sa karon ang pag realign sang iban nga ‘items’ nga indi na kinahanglanon.

Gin paathag ni Novero, lakip sa mga paga gastuhan sang syudad amo ang pag bakal sang duha ka duplicators, pag bakal sang laptops kag tablet sa pila ka mga teachers, pagpatukod sang radio tower kag iban pa.

Naga laum si Novero nga ang ini nga mga pamaagi ang mangin epektibo sa pag edukar sa mga estudyante. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.