Liwat nga magabaton ang lokal nga gobierno sang syudad sang Bacolod sang special citation bilang national finalist sa 2019 Most Business-Friendly LGU Awards sang Philippine Chamber of Commerce and Industry ukon PCCI.
Ang special citation ang pagabatunon ni Bacolod Mayor Evelio Leonardia sa awarding ceremony sang ika-45 nga Philippine Business Conference and Expo sa Manila Hotel sa Oktubre 16.
Ginkalipay ni Leonardia ang panibag-o nga pasidungog nga mabaton kag ginakabig inspirasyon para doblehon pa ang ila trabaho.
Pila sa mga ginbasehan sa pagkilala amo ang Fast-tracking Sustainable Local Economic Development (LED); Improvement of Ease of Doing Business (EODB); Investment Promotion Initiatives kag Initiatives to Enhance Industry/ Sectoral Competitiveness. | Aksyon Ann Defensor