BACOLOD MAGA UMPISA SA PAGHATAG SANG 2ND TRANCHE SANG SAP SUBONG NGA SEMANA

Share on facebook
Share on google
Share on pinterest
Share on twitter
Share on print

Paga umpisahan na subong nga semana ang pagpanagtag sang ikaduha nga tranche sang 6,000 pesos nga ayuda sa idalum sang Social Amelioration Program (SAP) sa syudad sang Bacolod.

Sa interview sang Aksyon Radyo, gin pahayag ni Pacita Tero, pamuno sang DSSD Bacolod, makabaton sang 6,000 nga ayuda ang kapin 97,000 ka SAP beneficiaries samtang 12,000 naman ang mabaton sang kapin 15,700 ka left out families ukon eligible sa SAP pero wala nakakuha sa first tranche.

Gin paathag ni Tero, humalin 98,143 ka SAP beneficiaries sa una nga tranche, nag nubo ini sa 97,000 para sa second tranche matapos nga gin kakas sa listahan ang persona nga may ngalan sa duha ka barangay, kag ang mga nakabaton man sang ayuda gikan sa DOLE, SSS, 4Ps kag iban pa.

Target sang DSSD nga matapos ang hatagay sang ayuda sang tatlo ka adlaw subong nga semana.

Gin paathag ni Tero, nga indi mahimo nga ma release ang ayuda paagi sa Paymaya kag Gcash bangud kulang ang tion para tudluan ang mga benepisyaryo sang sini nga proseso.

Sa Region 6, ang Bacolod, probinsya sang Iloilo kag syudad sang Iloilo ang makabaton sang second tranche. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.