BACOLOD MAGA TUKOD SANG TASK FORCE DISIPLINA PARA DAKPON ANG WALA NAGA SUNOD SA HEALTH PROTOCOL

Share on facebook
Share on google
Share on pinterest
Share on twitter
Share on print

Maga tukod ang gobyerno sang syudad sang Bacolod sang Task Force Disiplina sa tuyo nga ma intensify ang pag panakop sa mga persona nga wala naga sunod sa minimum health standard.

Suno kay Vice Mayor El Cid Familiaran, chair sang Bacolod IATF, may gin isyu na si Mayor Bing Leonardia nga executive order nga naga tukod sang task force kag ini ang pamunuan ni Executive Assistant Celestino Guarra kag paga bug-usan sang mga personnel sang Public Order Safety Employees ukon POSO.

Suno sa Bise-Alkalde, useless ang ordinansa kon wala sang may magpanakop kasunod nga iya na notisyahan nga gin alegar wala naga operate ang mga Barangay, magluwas sa kapulisan nga padayun ang pagdakop sa mga violators.

Bwas nga adlaw, Martes, maga sapol ang Task Force para talakayon ang iga isyu nga pre numbered citation ticket para sa mga violators.

Wala pa sang pat-od nga petsa kon san-o ang una nga operasyon sang task force kasunod nga wala pa sang may na imprenta nga citation ticket. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.