BACOLOD MAGA SUNOD SA MANDO SANG NATIONAL IATF; COMMUNITY QUARANTINE INDI NA PAG IPATUMAN UMPISA MAYO 16

Share on facebook
Share on pinterest
Share on twitter
Share on print
(Bacolod PIO Photo)

Maga sunod ang syudad sang Bacolod sa mando sang National IATF nga nag classify sa Bacolod nga low-risk area kag indi na pag ipatuman ang Enhanced Community Quarantine ukon General Community Quarantine.

Ini matapos ang emergency meeting nga gin patawag ni Bacolod Mayor Evelio Leonardia subong nga hapon, Mayo 12 upod ang Bacolod Inter-Agency Task Force kag iban pa.

(Bacolod PIO Photo)

Sa interview sang Aksyon Radyo, gin pahayag ni Familiaran, wala choice ang syudad kundi mag sunod sa mando sang gobyerno nasyunal.

Pero suno kay Familiaran, natalana si Mayor Bing nga mag isyu sang mga Executive Order angut sa mga preventive measures kontra Covid-19.

Suno sa Bise-Alkalde, bwas nga adlaw, iga duso ni Councilor Archie Baribar ang ordinansa nga papanaugan sang penalidad ang mga persona nga wala naga suksok sang face mask kag wala naga sunod sa social distancing.

(Bacolod PIO Photo)

Maga balay man ang LGU sang curfew ordinance, mag luwas ini sa existing nga curfew ordinance sa mga minors.

Suno pa kay Familiaran, may mga E.O man nga ipapanaug ang Alkalde nga gina dilian ang pagpatigayon sang kapiestahan sa syudad.

Para kay Familiaran, mas dapat mangin mahinalungon ang syudad kag ang pumuluyo sa sini nga tinion bangud wala nagakahulugan nga wala na ang Covid-19 sa syudad.

Suno kay Leonardia, kalakip sa ‘new normal’ sa Mayo 16 amo nga mangin basic na ang pagsuksuk sang facemask; magsunod sa social distancing ilabi na sa mga de-pasahero nga salakyan, kalan-an kag malls; curfew for all umpisa las 10 sang gab-i tubtub las 4 sang kaagahon kag indi pagkakason ang border checkpoints sa syudad.

Angot sa liquor ban, ginpahayag ni Leonardia nga may yara lamang sang limitasyon sa oras kaangay sang ginahimo sa syudad sang Davao.

Nag apelar naman ang alkalde sang kooperasyon sang publiko angot sa ipatuman nga pagsulondan bangod kinahanglan gradual ukon amat amat lamang ang transition agod masiguro ang safety sang tanan.

Ang Bacolod ang may 11 ka mga Covid-19 cases, anum ang naka-recover, tatlo ang napatay, kag duha ka returning OFWs ang naga pabilin nga positibo nga karon naka facility quarantined. | Aksyon Dale Salazar, Aksyon Ann Defensor

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.