BACOLOD LIWAT NGA MAGA USAR SANG PUBLIC SCHOOL BILANG QUARANTINE CENTER SA TION NGA MAUBOS ANG MGA ROOM SA HOTEL, INN KAG PENSION HOUSE

Share on facebook
Share on google
Share on pinterest
Share on twitter
Share on print

Ginahanda sa karon sang syudad sang Bacolod ang mga pampubliko nga buluthuan nga maga serbe nga quarantine center para sa mga returning OFWs sa tion nga maubos na ang mga room sa mga accommodation establishment sa Bacolod.

Suno kay Councilor Renecito Novero, chair sang Quarantine Center Action Team, ini kasunod nga gina paabot ang ginatos ka mga OFW nga maga pauli sa Bacolod subong nga semana bilang kabahin sang mass repatriation.

Ang OWWA amo ang naga bayad sa tion nga ang OFW ang i-quarantine sa hotel, inn ukon pension house.

Dugang pa ni Novero, ang pag usar sang public school para sa mga OFWs ang natalakay na sa emergency meeting upod si Mayor Evelio Leonardia sang Mayo 25 sa tion nga wala na sang available nga hotel, inns kag pension house.

Gin pahayag man ni Novero, nga isa man sa mga problema bangud ang probinsya ang naga pangita man sang hotel sa Bacolod para sa mga Negrense OFWs.

Naga pangayo sang pag hangop si Novero sa mga OFWs kag sa ila pamilya sa tion nga usaron ang mga public school bilang quarantine center.

Suno kay Novero, sa karon may available pa nga room sa mga hotel kag inns kag naga laum nga indi tuman ka damo ang OFWs nga mag balik sa syudad. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.