BACOLOD LIWAT NGA MAGA ISYU SANG BAG-O NGA HQP SA PAGPATUMAN SANG GCQ

Share on facebook
Share on google
Share on pinterest
Share on twitter
Share on print
(Bacolod PIO Photo)

Liwat nga maga isyu ang syudad sang Bacolod sang Home Quarantine Pass (HQP) sa pagpatuman sang General Communnity Quarantine.

Ini ang gin anunsyo ni Mayor Evelio Leonardia sa virtual presser subong nga gab-i, Mayo 14.

Suno sa Alkalde, ang Bacolod Government Center amo ang mag imprinta sang bag-o nga numbered HQP kasunod nga may mga report nga pag usar sang peke nga HQP.

Suno kay Leonardia, ang bag-o nga HQP ang may lima ka ngalan pero one at a time lamang ang makagwa sa balay.

Suno sa Alkalde, ano man nga oras pwede maka gwa ang HQP holder pero ipatuman ang odd-even scheme sa merkado kag malls sa tuyo nga ma control ang mga tawo sa sini nga mga lugar.

Suno sa Alkalde, ang mga naga trabaho naman ang ginatugutan nga makagwa humalin home from work kag work from home lamang.

Ang HQP ang proportionate nga i-allocate sa Barangay.

Suno sa Alkalde, indi pa ma isyu ang bag-o nga HQP sa Mayo 16 rason nga i-honor sa gihapon ang daan nga mga HQP nga una gin isyu sang Barangay.

Bwas nga adlaw, Mayo 15, pormal nga ipalayag ni Leonardia ang guidelines sa pagpatuman sang GCQ kasunod nga gina finalize pa sang Exit Planning Team sang syudad ang Executive Order base man sa mga pronouncement sang National IATF. | Aksyon Dale Salazar

PLACIDO NANGABAY SA BARANGAY OFFICIALS NGA SUPORTAHAN ANG BAG-O NGA COPs

Ginahingyo ni BCPO Director Col Manuel Placido sa mga barangay officials nga buligan kag ihatag ang ila suporta sa mgabag-o nga Chief Of Police sa ila nasakupan nga lugar.

Suno kay Placido, ano man nga suporta ang ginhatag samga anay hepe, kabay pa nga ihatag man sa bag-o nga magapungko.

Palayag ni Placido, kahapon nga adlaw ang pagpungko sang bag-o nga mga station commanders apang subong nga adlaw lang sila nagpatigayon sang turn-over ceremony.

Gin imbitar man ni Placido ang mga opisyal sang barangay bangud nagapati siya nga kon makilala ang isa kag isa magapadayon ang pagbuligay para sa ikamayo sang ila nasakupan.

Nahibaluan si Major Ramel Sarona ang bag-o nga Chief of Police sang Police Station 1.

Sa Station 2 amo si Lt. Joven Magato, sa Station 4 si Major Jun Ray Batadlan, Station 6 naman si Capt. Leo Estopa, Station 8 si Major Joery Puerto kag ginbalik sa Station 10 si Capt. Armilyn Vargas. | Aksyon Eden Aboso

KASO BATUK SA LIMA KA NEGRENSE ROFs, GINAPREPARAR NA

Ginapreparar na sang gobyerno probinsiyal ang kaso nga pagsupak sa health kag safety protocols kontra coronavirus disease 2019 (Covid-19), batok sa lima ka mga Negrense Returning Overseas Filipinos (ROFs) nga wala magsugid sang ensakto nga impormasyon sa pagpauli sa Negros Occidental.

Duha sa lima amo ang mag asawa nga halin sa London United Kingdom (UK) nga nagpositibo sa Covid-19 pagbalik sa ila lugar sa Antipolo Pontevedra.

Ginpahayag ni Provincial Administrator Atty. Rayfrando Diaz II, ginahulat na lamang ang kompleto nga mga dokumento halin sa Provincial Legal Office , kag resolusyon sang Sanguniang Panlalawigan nga nagahatag sang otoridad sa pagpasaka sang kaso.

May report man nga isumiter ang probinsiya sa National Inter-Agency Task Force (NIATF) agud ipabalo ang natabo nga misdeclaration sang Negrense ROFs nga nagpakilala bilang mga Locally Stranded Individuals. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.