SECTIONS

Today is:

BACOLOD KONSEHAL PUENTEVELLA NAGPANGAYO PASENSYA SA PUMULUYO MATAPOS ANG PAGTAPUNGOL KAY KONSEHAL RAMOS

Share on facebook
Share on google
Share on pinterest
Share on twitter
Share on print

NAG PANGAYO sang pasensya si Bacolod City Councilor Claudio Puentevella sa mga pumuluyo kag mga kaupod sini sa konseho kasunod sang natabo nga pagtapungol sini kay Councilor Dindo Ramos sa session sadtong Mierkules nga adlaw, Setyembre 12. Nag ugat ang isyu sang gintalakay sang SP ang item angut sa pangabay ni Mayor Evelio Leonardia sang authority-to-sign agud sudlon sang syudad ang kontrata upod ang IPM-CDC sa pag tukod sang cell no. 2 sang Sanitary Landill nga nagabalor sang malapit sa 50 milyones pesos. Sa press conference, kahapon sang aga (Septembre 14), ginpahayag ni Puentevella, nga iya gina-aku ang responsibilidad sa iya aksyon nga ginhimu kag nag palayag nga indi man siya perpekto. Aminado si Puentevella nga indi husto ang natabo pero nagasalig siya nga ang insidente, ang dapat indi makapalikaw sa matuod nga rason sang iya panindugan. Suno sa konsehal, sadtong session, nagpangusisa lamang siya nga wala sang malisya kon nga-a ginapahibalo siya sa malip-ot na lamang nga panahon nga talakayon ang amo nga item samtang nabaton sang pila ka miembro sang konseho ang pangabay sang alkalde sang Setyembre 7 pa. Nagapati si Puentevella nga importante dapat mahatagan ang mga konsehal sang nagakaigo nga panahon kag impormasyon para matun-an kag mahibaluan ang bentaha kag disbentaha sang kontrata,  ilabi na nga 50 milyones pesos nga pondo sang mga taxpayer sang Bacolod ang imbolbado diri.  Dugang pa sang Konsehal, masobra sa duha ka tuig kag tunga na nga iya gina-proteksyonan ang kaban sang gobyerno kag luyag lamang niya mahibaluan kon diin makadto ang 50 milyones pesos.

MORE STORIES:

ANU ANG IMO MA KOMENTO?