BACOLOD KAG NEGROS OCCIDENTAL NAGBATON SANG DUGANG NGA 7,200 SINOVAC VIALS

Share on facebook
Share on google
Share on pinterest
Share on twitter
Share on print

Dugang nga 5,200 ka vials sang Sinovac vaccines  ang ginbaton sang Negros Occidental subong nga adlaw halin sa gobyerno nasyonal.

Suno kay Provincial Health Officer Dr. Ernell Tumimbang, katunga sini  ang natalana nga ibakuna sa mga health workers sa  una nga ‘dose’ samtang ang nabilin ang taguon naman sa cold storage room sang Provincial Health Office agud itigana para sa ikaduha  nga dose.

Pila sa  mga bakunahan  amo ang mga myembro sang   Barangay Health Emergency Response Team (BHERT) kag Barangay Health Workers (BHW).

Dugang pa  ni Tumimbang, mayoriya sa  mga health workers sa  government-run  hospitals  ang nabakunahan na sang una nga dose, kag nagahulat na lamang sang ikaduha nga dose nga umpisahan sa masunod nga semana.

Target sang probinsiya  nga mabakunahan sang  Sinovac ang   2,590 ka mga  health workers kag  370 sang  AstraZeneca. 

Samtang, ginbaton man sang LGU sang Bacolod ang 2,000 ka doses sang Sinovac vaccine gikan sa gobyerno nasyunal.

Suno kay Bacolod EOC Executive Director kag City Administrator Em Ang, 5,452 ka mga frontliners ang nakabaton na sang  first kag second dose sang bakuna.

Nagapangabay si Ang sa gobyerno nasyunal sang dugang nga bakuna bangud kapin 12 mil ka mga frontliners ang nalakip sa masterlist sang syudad. | Aksyon Marlon Genovea, Aksyon Dale Salazar

MAG AMAY GINBUNO, PILASON

Ginabulong karon sa Vicente Gustilo District Hospital ang mag-amay matapos ginbuno sa sulod sang Flor Rice and Feeds Supply Store sa Escalante Shopping Center, Barangay Balintawak syudad sang Escalante sang Byernes nga adlaw, Abril 9.

Ang mga biktima ginkilala sa ila nanday Teddy Flor, 42 anyos kag ang amay sini nga si Teody, 69 anyos, residente sang Purok Bagong Buhay 2, sa amo nga syudad.

Suno kay Lt Col. Gil John Despi, hepe sang Escalante PNP, pasado las 3 sang hapon, biyernes nag-inum sang tatlo ka botelya sang beer si Cerello Requiron,  43 anyos sa TMF Eatery,  apang wala nagbayad rason nga ini ang ginpalapitan ni Teddy Flor sa tuyo nga sukton kon tani, sa baylo ini siya ang ginbuno.

Nagdali-dali naman sa pagpalapit ang amay sini nga si Teody apang ginbuno man ni Requiron.

Sa follow up operation, nadakpan si Requiron kag karon nahunong na sa custodial facility sang Escalante City police station.| Aksyon Alvin Grava

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.