BACOLOD KAG NEGROS OCCIDENTAL MAY TIG DUHA KA BAG-O NGA COVID-19 CASES

Share on facebook
Share on google
Share on pinterest
Share on twitter
Share on print

Narecord ang apat ka bag-o nga Covid-19 cases sa Negros Occidental kag syudad sang Bacolod.

Suno sa DOH Western Visayas Center for Health Development Bulletin No. 41, 11 ang bag-o nga Covid-19 cases sa Western Visayas, kag duha diri ang residente sang Negros Occidental, kag duha ang residente sang syudad sang Bacolod, tatlo ang gikan sa Antique, tatlo ang gikan sa Iloilo City, isa ang gikan sa Guimaras.

Suno sa DOH 6, ang bag-o nga Covid-19 cases sa Negros Occidental ang gina lakipan sang 30 anyos nga babaye nga residente sang La Castellana, 43 anyos nga lalaki residente sang Escalante City.

Positibo man sa Covid-19 infection ang duha ka residente sang Bacolod lakip na ang 27 anyos nga babaye nga residente sang Brgy. Granada kag 42 anyos nga lalaki nga residente sang Brgy. Villamonte.

Ang apat ka bag-o nga Covid-19 sa Bacolod kag Negros Occidental ang mga returning OFWs nga damlag lang gin-repatriate kag karon naka-facility quarantined.

Suno kay Bacolod Vice Mayor El Cid Familiaran, asymptomatic si Patient 10 kag Patient 11 sang Bacolod nga parehas nga mga seafarers kag nalakip sa apat nga nag positibo sa rapid test.

Nag negatibo naman sa virus ang 26 ka iban pa nga returning OFWs sa Bacolod.

Ang Negros Occidental ang may anum tanan ka mga Covid-19 cases samtang ang Bacolod ang may 11 ka mga kaso.

Suno sa DOH 6, 251 tanan ka lab results ang nagwa, 11 diri ang positibo, 2 ang positibo sa repeat test samtang 237 ang negatibo kag isa ang negatibo sa repeat test.

Sa kabug-usan, ang Western Visayas ang may 91 ka Covid-19 cases. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.