BACOLOD GINA PROSESO PA ANG PAG BUTANG SANG KURYENTE SA ISOLATION FACILITY SA BARANGAY ALIJIS

Share on facebook
Share on pinterest
Share on twitter
Share on print
(Bacolod PIO File Photo)

Gina proseso na karon sang LGU sang Bacolod ang pag butang sang linya sang kuryente sa isolation facility sa Barangay Alijis.

Suno kay Councilor Renecito Novero, chair sang quarantine center action team, may yara na sang suplay sang tubig sa lugar kag okay na ang pasilidad mag luwas na lamang sa kuryente.

Dugang pa ni Novero, yara na karon sa procurement process ang syudad sa pagbakal sang transformer kag karon temporaryo nga naga-tap sang kuryente sa pasilidad sang City Agriculture Office malapit sa lugar.

Suno sa Konsehal, indi pa karon kinahanglan ang pasilidad bangud tuman pa kadamo ang available nga quarantine centers sang syudad kag may iban man nga Covid-19 positive nga luyag mag quarantine sa hotel nga sila ang mabayad.

Nag ligad nga Oktubre 30 sang gin turnover sang DPWH ang 32-room isolation facility sa LGU sang Bacolod bilang dugang nga healt care facility sang syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.