BACOLOD GINA FINALIZE ANG REPAIR KAG REHABILITASYON SANG TATLO KA MERKADO

Share on facebook
Share on google
Share on pinterest
Share on twitter
Share on print

Gina finalize na ang plano para sa rehabilitasyon kag repair sang tatlo ka dalagko nga merkado sa syudad sang Bacolod nga Central, Burgos kag Libertad Markets.

Tinalikdan nga Mayo 2, sang nagsapol si Mayor Evelio Leonardia, Vice Mayor El Cid Familiaran kag iban pa nga opisyal sang syudad sa mga opisyal sang nagkalain-lain nga market vendors association.

Suno kay Familiaran, tinalikdan pa ini nga tuig nga plano kag may yara na sang pondo para sa sini nga proyekto, kag iya gin tugyan sa Alkalde ang pag anunsyo sini.

Dugang pa ni Familiaran, tinutuyo sang konsultasyon nga matalakay bangud posible may mga nakit-an ang mga opisyal sa merkado nga wala natalupangdan sang mga engineer.

Ang Covid-19 pandemic ang isa man sa ginalantaw nga rason sa delay nga pagpatuman sang proyekto.

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.