MENU

BACOLOD GINA FINALIZE ANG APILAR SA NATIONAL IATF NGA MA LIMIT SA 600 KA LSIs ANG MAKAPULI SA KADA SEMANA

  • at 5:59 pm
Share on facebook
Share on pinterest
Share on twitter
Share on print

Gina-finalize pa sang LGU sang Bacolod ang sulat nga ipadala sa National IATF nga naga apilar nga limitahan ang numero sang mga Locally Stranded Individuals ukon LSIs nga mag puli sa syudad.

Suno kay City Councilor Renecito Novero, chair sang Quarantine Center Action Team, luyag sang syudad nga 600 lamang ka mga pasahero sa barko kag eroplano sa kada semana ang mag puli sa tuyo nga ma akomodar ang mga ini sang quarantine centers sang syudad.

Suno sa Konsehal, ang sulat ang posible mapadala sa National IATF subong ukon bwas nga adlaw.

Dugang pa ni Novero, ila man gina panawagan sa National IATF nga mag papanaug sang istrikto nga guidelines sa mga airline companies nga dapat mapabalo ang Bacolod duha ka adlaw antes ang byahe sang LSIs.

Gina paabot sang mga opisyal sang syuda ang madasig nga resulta sang RT-PCR Test sang mga LSIs kasunod nga may biolab na sa CLMMRH.

Sa idalum sang protocol sang syudad, sa tion nga mag negatibo sa virus ang LSI, pwede na sila makapuli kag tapuson ang 14 day nga quarantine sa ila nga balay. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

20K NGA CASH GINALEGAR NAKUHA SA AHENTE NGA NA HOLDAP SA MURCIA

April 18, 2024

Nagdangat sa 20,000 pesos nga cash ukon koleksyon sang isa ka ahente ang nakuha matapos gin-alegar ginhold-up sa Brgy. San Miguel, banwa sang Murcia, Abril 17.

Ginkilala ang ahente nga si Kenneth Poblacion, 30 anyos kag residente sa syudad sang Silay.

Suno kay Police Major Marc Joel Reclamado, hepe sang Murcia PNP, ginpahayag sang ahente nga ginpalapitan ini sang tatlo ka persona nga nagasakay sa sports nga motorsiklo kag nagdeklarar sang hold-up.

Gilayon man ginhatag ni Kenneth ang bag sini nga may unod sang kwarta.

Base sa pagpamangkot sang kapulisan sa mga tag-iya sang tyanggi, wala man ang mga ini sang ideya angut sa insidente bangud wala man nakapangayo sang bulig ang biktima.

Sa karon padayon pa ang imbestigasyon sang kapulisan angut sa natabo.

What’s your Reaction?
+1
0
+1
0
+1
0
+1
0
+1
0
+1
0
+1
0

CELL NO. 4 PAGATUKURON SA LANDFILL SANG BACOLOD

April 18, 2024

Magatukod ang syudad sang Bacolod sang sanitary landfill cell no. 4 sa Barangay Felisa, syudad sang Bacolod.

Ginkumpirmar ni Councilor Jude Thaddeus Sayson, chair sang committee on finance and appropriation, 59.2 milyones pesos ang pondo sa konstruksyon sang cell no. 4 sa propedad nga bag-o nga ginbakal sang LGU.

Ang IPM-Construction and Development Corporation amo ang magatukod sang cell no. 4.

Ginpahayag sang Konsehal, ginapaabot sini nga maglawig ang pag usar sang syudad sang cell no. 4 bangud may mga recycling facility nga pagatukuron sa amo man nga lugar.

Ginalantaw ni Sayson nga mapangitaan sang paagi sang syudad ang cell no. 1, 2, 3 nga posible pwede ma convert bilang isa ka park.

Samtang, magapabilin nga ang IPM-CDC ang maga dumala kag operate sang sanitary landfill sa syudad balor 63.9 milyones pesos halin Mayo 1, 2024 tubtob Disyembre 2024.

Nagdangat sa kabug-usan nga 123.2 milyones pesos ang pondo para sa cell no. 4 kag maintenance snag landfill.

Myerkules sang hapon, Abril 17, sang na ratify sang konseho ang mga kontrata.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.