BACOLOD GIN-TAP ANG ISA KA HOTEL PARA SA MGA COVID POSITIVE; APAT KA MGA RETREAT HOUSE GINA NEGOSYAR NGA HIMUON NGA ISOLATION FACILITY

Share on facebook
Share on google
Share on pinterest
Share on twitter
Share on print

Gin-tap sang LGU sang Bacolod ang isa ka hotel nga aprubado sa standard sang Department of Health para butangan sang mga Covid-19 positive nga asymptomatic kag may mild symptoms.

Suno kay Bacolod Vice Mayor El Cid Familiaran, base sa iya impormasyon, ang hotel ang may 64 ka mga room nga gin reserba para sa mga positibo.

Gin klaro ni Familiaran nga ang mga nag positibo amo ang maga bayad sang ila nga pag quarantine sa hotel.

Gin paathag sang Bise-Alkalde, ini ang maga hatag option sa mga nag positibo nga asymptomatic nga mag hotel quarantine nga sila ang mabayad ukon ma quarantine sa public school nga libre.

Una nga nag mando ang gobyerno nasyunal nga gina dilian na ang home quarantine para sa mga nag positibo mag luwas na lamang sa special cases.

Gin ehemplo man ni Familiaran, nga kon apat na lang ka adlaw ang nabilin sa home quarantine sang nag gwa ang positive nga resulta sang test, sila ang maga padayon nga maga tinir sa ila nga balay.

Suno kay City Councilor Renecito Novero, chair sang Quarantine Center Action Team sang syudad, sa mga hotel nga ila gin negosyar, isa lamang ang nag pasugot nga usaron ang ila pasilidad bilang isolation facility sang mga nag positibo kag naga laum nga kuntane madugangan pa ini.

Samtang, gina negosyar sa karon sang LGU sang Bacolod ang apat ka mga retreat house nga plano pagabutangan sang mga Covid-19 positive.

Suno kay gintugyanan ni Mayor Bing Leonardia si City Administrator Em Ang sa pag negosyar sa nagkalain lain nga religious orders para usaron ang mga retreat house bilang isolation facility samtang iya naman padulungan ang mga lugar para usisaon.

Suno kay Novero, ang apat ka mga retreat house nga target usaron nga isolation facility ang nahamtang sa Barangays Felisa, Estefania kag Granada.

Dugang pa sang konsehal, ang ibutang sa mga retreat house sa tion nga ma- finalize na ang agreement, amo ang mga Covid positive nga asymptomatic kag mild cases kag ang magpa- quarantine man amo ang maga bayad sa ila pag tinir sa isolation facility.

Kapin 21 ka mga public school sa Bacolod ang target nga himuon nga quarantince centers, kag 11 na ka mga buluthuan ang operational. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.