Gin padal-an na sang imbitasyon sang EOC ang tanan nga mga tenants sa Marketplace nga nahamtang malapit sa Government Center para sa natalana nga meeting sa adlaw nga Lunes Pebrero 22.
Suno kay City Administrator kag EOC Executive Director Em Ang, ini nga lihok ang naga tuyo nga ipahanumdom sa tanan nga mga negosyante sa lugar sa pagsunod sa safety kag health protocol nga gina patuman sang syudad.
Dugang pa ni Ang, naka dangat sa EOC ang reklamo angut sa gin alegar natabo nga pag ginutok sang mga customer sa lugar antis ang selebrasyon sang Valentine’s day.
May alegasyon man nga may yara sang gin patigayon nga concert sa lugar kon nga-a natabo ang amo nga sitwasyon apang ini ang wala sang kamatuoran suno kay Ang base sa ila inisyal nga pag pangusisa. | Aksyon Art Tayhopon