Lubos nga gin pasalamatan sang lokal nga panguluhan sa syudad sang Bacolod ang ginhimo nga kontribusyon ni Dr. Ralph Nico Selibio angut sa pag away kontra sa COVID 19 nga problema.

Suno kay City Adminstrator Em Ang, si Selibio nga isa man ka Bacolodnon kag nagtapos sang iya pag eskwela sa St. La Salle College of Medicine ang nangin representante sang World Health Organization kag isa sang mga nagbulig para sa pag patukod sang Emergency Operation Center.

Dugang pa ni Ang, naglawig sa sulod sang duha ka bulan ang pag serbisyo ni Selibio sa syudad ilabi na sa bahin sang contract tracing system apang ini ang gin hatagan na sang panibag-o nga assignment sang WHO.

Sa nahibaluan nga damlag lang nagpa gwa sang Executive Order number 71 si Mayor Evelio Bing Leonardia bilang pagkilala sa kontribusyon kag serbisyo nga ginhimo ni Selibio. | Aksyon Art Tayhopon