Nakalusot na sa Committee on Economic Affairs sa Kongreso ang gin duso ni Congressman Greg Gasataya nga hagna nga maga establisar sang Bacolod Economic Zone Authority ukon BEZA.
Suno kay Gasataya, ang hagna ang gin file sang 2019 nga nag tuyo nga i-dentify sang BEZA ang lugar sa syudad nga himuon bilang economic zone para sa manufacturing, information technology, entertainment, kag iban pa.
Gin paathag ni Gasataya, sa tion nga mangin layi ang hagna, ini ang maga resulta sa dugang nga trabaho para sa syudad sa diin may mga foreign companies nga maga-invest sa Bacolod.
Suno pa sa Kongresista, ang iban nga estudyante ang naga on-the-job-training ukon OJT pa sa iban nga lugar bangud ang Bacolod ang wala sang mga manufacturing firms.
Gin ehemplo ni Gasataya ang pagsanyog sang Cavite kag Clark bangud man sa economic zones. | Aksyon Dale Salazar