BACOLOD EAGLE CLUB NAG HATAG AYUDA SA PILA KA MGA DRIVER

Share on facebook
Share on google
Share on pinterest
Share on twitter
Share on print

Masobra isa ka gatos nga mga drivers nga temporaryo nadulaan sang obra tuga sang pandemya dala sang Covid-19 ang nakàbaton sang ayuda gikan sa grupo sang Bacolod Eagle Club karon nga adlaw.

Suno kay Bacolod Eagle Club President Reynee Talisay, (2) duha ka grupo ang ila nangin mga benipisyaryo, una ang mga drivers kag ang pila ka mga pumoloyo sa urban poor nga nabase sa Purok Arao, Barangay Vista Alegre.

Sa interview sang Aksyon Radyo Bacolod kay Eng’r . Royden Ledesma, Vice President sang grupo, ginpahayag sini nga natandog ang iya balatyagon matapos nakita sa post sang Aksyon Radyo Facebook page nga nagapangayo limos ang mga drivers bangod sa malawig nga panahon nga wala sang byahe.

Bangod sini, nagpakig-angot si Ledesma kay Maria Gall sang Burlingame, California, USA kag iban pa kag tigayon man nga nahatag ang ayuda.

Suno kay Erick Bendoy, isa sa mga driver nga nakabaton sang bulig, daku ang nabulig sang ayuda nga ila nabaton karon nga adlaw para sa ila tagsa ka pamilya. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.